Film seçimi ANİMAFİLM Beynəlxalq Animasiya Festivalı tərəfindən təqdim olunur.

Detallar
Kenyanın simfoniyası (2019)
Rejissor / Ssenari müəllifi / Prodüser: Carlos Douglas Jr
Filmin müddəti: 5 min.

Məzmun
Beş yaşlı cəsur bir qız Kenya, ilk dəfə anasının təkidiylə klassik musiqi konsertinə gedir. Dirijor çubuğunu qaldıran kimi orkestr musiqi ifa etməyə başlamasıyla Kenyanın səbri tükənir. Cəsur qızcığaz özünü əyləndirmək üçün qamış oyuncağını çıxarır və ətrafa balaca qabarcıqlar üfürərək auditoriyanı bir-birinə qatır. Kenya anasının bütün xahişlərinə məhəl qoymayaraq dəcəl hərəkətini davam etdirir.

Carlos Douglas Jr
Carlos Douglas Jr “Kenyanın ыimfoniyası” animasiyasının animatoru, rejissoru və prodüseridir. O, 2020-ci ildə Columbia College Chicago-nun nəzdində olan “Arts and Media” proqramında “İncəsənət və ənənəvi animasiya” üzrə bakalavr pilləsini qədəm qoymuşdu.

ANİMAFİLM Beynəlxalq Animasiya Festivalı
2018-ci ildə yaradılmış ANİMAFİLM Azərbaycanın ilk və yeganə beynəlxalq animasiya festivalıdır. Festival hər il oktyabr ayında keçirilir və beş gün ərzində tamaşaçılara zəngin proqram və onlarla yerli və xarici animasiya filmlərini təqdim edir. Təşkilatçıların məqsədi yerli və xarici tamaşaçıları, peşəkarları görüşdürüb faydalı və perspektivli ünsiyyət qurmaq, uşaqları sevindirmək, həmçinin Azərbaycanda animasiya sənətini təbliğ etmək və inkişaf etdirməkdir.

“Kenyanın simfoniyası” animasiya filmi III ANİMAFİLM Festivalının rəsmi müsabiqə proqramında iştirak edib və “Uşaqlar üçün ən yaxşı qısametrajlı animasiya filmi” kateqoriyasında yarışıb.

ANİMAFİLM Festivalının rəsmi saytı: https://animafilm.az/
Carlos Douglas Jr-un rəsmi saytı: https://filmfreeway.com/CarlosDouglasJr